TAMBUA MAPEMA KAMA UNA TATIZO LA SARATANI YA MATITI

Saratani ya matiti ni ya pili kwa ukubwa na mara nyingi huwapata zaidi wanawake hasa wenye umri zaidi ya miaka 50.  Kama unahisi uvimbe wowote au mabadiliko yoyote yasiyo ya kawaida katika maziwa unatakiwa kuwahi mapema hospitali kwa uchunguzi kabla tatzo halijawa sugu. Saratani hii hutibiwa mapema katika hatua za awali kabla haijasambaa katika maeneo mengine ya mwili kupitia mirija, tezi na mishipa ya damu.  Ikumbukwe kuwa wanawake huweza kuhisi uvimbe, maumivu na maziwa kujaa na kuwa makubwa hasa kipindi cha hedhi na ujauzito  hivyo ni muhimu kutofautisha hali hii ambayo ni ya kawaida na saratani ya maziwa.

MADARAJA YA SARATANI HII

Kuna aina tatu za madaraja ya saratani ambayo ni:-

 DARAJA LA KWANZA ni saratani ambayo husambaa taratibu na isiyokuwa na madhara

DARAJA LA PILI ni saratani ambayo hukua na kusambaa kawaida

DARAJA LA TATU ni hukua na kusambaa haraka sana na huwa hatari sana

NINI HUSABABISHA?

Saratani hii husababisha na kukua na kuongezeka kwa seli, tezi na misuli ya maziwa bila mpangilio wala udhibiti ambayo huchangiwa na

Kuongezeka umri, hatari huongezeka kila baada ya miaka kumi

Mazingira unayoishi

Tatizo kuwepo katika familia kwa muda mrefu

Kama ulishawahi kupata saratani hii au saratani yoyote

Kutomnyonyesha mtoto kwa muda mrefu

Maziwa kuachwa wazi

Kupiga X Ray mara kwa mara

Unywaji wa pombe kupita kiasi

Kutumia dawa za kuzuia mimba kwa muda mrefu

DALILI

Kuwepo kwa madonge na uvimbe katika maziwa bila maumivu

Kubadilika kwa ukubwa na umbo la maziwa

Kusinya katika baadhi ya ngozi za maziwa

Chuchu za maziwa kubadilika na mara nyingi kutoa damu

Mara chache huambatana na vidonda vidogo vidogo katika chuchu

VIPIMO

Vipimo ambavyo huweza kutumika kutambua kama una saratani ya maziwa ni pamoja na:-

Uchunguzi unaofanywa na dakitari

Kujichunguza mwenyewe mbele ya kioo

X  Ray ya matiti(Mammogram)

Ultrasound ya matiti

MRI scan ya matiti hasa kwa wasichana wadogo

Biopsy ambapo hutolewa tissue kwa ajili ya uchunguzi

MATIBABU

Matibabu ya ugonjwa huu uhusisha mionzi, dawa hormoni na upasuaji kutokana na hatua na dalili za ugonjwa chini ya maelekezo ya wataalamu.

KWA MSAADA ZAIDI BONYEZA HAPA. TAZAMA VIDEO CHINI KUJUA JINSI YA KUJICHUNGUZA MWENYEWE.

https://www.youtube.com/watch?v=e6wpOnf2ORg